قــالـــــو تــــحبة

قالوا تحبـه قلـت مـا هـو بالحيـل
بس انه أغلا شوي من نـور عينـي
يسوى جميع الجيـل الأول وهالجيـل
واحبـابـي الماضـيـن والمقبلـيـن
شوقي له أعظم من ظمى الأرض للسيل
واشفق عليه أكثـر مـن أم الجنينـي
واحتاج له حاجة ثـرى مصـر للنيـل
وعليـه أغـار أكثـر مـن الوالديـن
أشتـاق لـه شـوق المحبيـن لليـل
وارتاح لـه راحـت دمـوع الحزيـن
لا صار جنبي لو سنه وقتي بخيـل لا
ولو غاب لو لحظـة صـارت سنينـي
قالوا يحبـك قلـت هـذا هـو الويـل
ما ودي أنشـد ثـم رفضـه يجينـي
واهدم رجاي بدبرتي مثـل مـا قيـل
والأفضل أحيـا بالأمـل لـو لحينـي
يا حبكـم يـا نـاس للقـال والقيلـي
الله يجـازي . . جملـة العاذليـنـي
خلوني أحيـا فـي الوهـم يالعواذيـل
وش دخلكـم والأمـر بينـه وبيـنـي